专辑介绍：
Beyond40週年致敬唱片早於2022年初開始籌備，雖然最初邀請名單同依家参與錄音嘅樂隊、歌手有相當大區別，但喺我深信目前完成咗嘅呢20首歌會喺最接近我原來嘅構思同埋期待；對所有参與今次呢個計劃嘅樂除、歌手或者我個人嚟講，我相信呢個B40致敬計劃可以話得喺Once in a life time嘅project，我絕對相信唔會再有類似咁機會，可以有咁嘅内容畀我哋一齊去做一個咁特别、咁難得嘅tribute。
頭頭尾尾用咗接近一年半嘅時間睇住個project終於完成嘅感覺喺“That's it! I’ve done! 終於搞點晒！”。另外，真喺冇諗到6月12號可以喺堅道明愛中心搞得成40週年嘅紀念演唱會，1985年Beyond膽操操咁喺明愛中心自資搞咗佢哋嘅第一個演唱會，當年喺我自己决定唔去睇而錯過一個咁有歷史意義嘅演唱會！今年我自己决定一定要喺度！會經有人問我、點解唔搵個大啲嘅場地？我只喺好簡單咁回答“That was where they born and came from!”明愛中心就喺Beyond嘅誕生地、佢哋就喺來自一個咁humble嘅地方。
Beyond40週年所經歷嘅一切非常有啓發性，我做咗幾十年音樂喺從未試過咁激嘅，第一次聽完Psyc Love編咗家強首歌嘅demo後、我好興奮咁喺Whatsapp留言畀阿國：“好?正！”。另一件好值得我回憶嘅事就喺、喺討論歌詞嘅過程中，我畀異種司徒問候……即喺畀佢“屌”！今次有機會認識填詞人關栩溢、同佢好密切咁探討填詞嘅內容，將Part 2 Medley入邊嘅歌互相串連得好有故事感之餘、仲有好強烈嘅畫面感。
雖然今次個致敬計劃有啲地方做得唔夠好，但喺我依然可以好自信咁講“I believe I have done a little fucking good job for this B40 Tribute”。今次嘅成功、唔喺因爲我，喺因爲一齊参與呢件事嘅所有人，尤其喺Beyond成員嘅唔同方式support；我同時需要非常認真咁多謝：Tomi Fu、阿贤、細威、Jesper Chan、Eric Tsang同埋邀請咗但喺因爲唔同原因冇参與嘅朋友們；最後就用下面幾句心底話嚟做一個結束：“個世界應該喺美好嘅、可以做到啲令人覺得美好嘅事、我相信喺一件更美好嘅事，Love you guys”。